ໃນວັນທີ 19 ເມສາ 2021 ທີ່ຜ່ານມາ, ທີ່ຫ້ອງປະຊຸມ ກົມສ່ວຍສາອາກອນ ກະຊວງການເງິນແຫ່ງ ສປປ ລາວ ໄດ້ຈັດພິທີມອບໃບຍ້ອງຍໍທີ່ລະນຶກ ປະເພດ I, ປະເພດ II ໃຫ້ແກ່ບັນດາ ຫົວໜ່ວຍທຸລະກິດທີ່ມີຜົນງນ ໃນການປະຕິບັດມອບພັນທະສວຍສາອາກອນ ປະຈຳປີ 2020. ເປັນກຽດເຂົ້າຮ່ວມ ພິທີດັ່ງກ່າວແມ່ນ ທ່ານ ບຸນໂຈມ ອຸບົນປະເສີດ - ລັດຖະມົນຕີກະຊວງການເງິນ ແລະ ທ່ານ ປອ ພູທະນູເພັດ ໄຊສົມບັດ - ຫົວໜ້າກົມສ່ວຍສາອາກອນ ກະຊວງການເງິນ ແລະ ຫົວໜ່ວຍທຸລະກິດໃນລາວ.

ໃນນັ້ນ, LVI ແມ່ນໜຶ່ງໃນ 52 ຫົວໜ່ວຍທຸລະກິດ ທີ່ມີຜົນງານດີ່ເດັ່ນໄດ້ຮັບໃບຍ້ອງຍໍຈາກ ກະຊວງການເງິນ ໃນການປະຕິບັດພັນທະສວຍສາອາກອນ ປະຈຳປີ 2020, ສິ່ງດັ່ງກ່າວຢັ້ງຢືນໄດ້ເຖິງຄວາມຮັບຮູ້ຂອງລັດຖະບານລາວ ຕໍ່ກັບການປະຕິບັດຄວາມຮັບຜິດຊອບ ແລະ ພັນທະຂອງ ບໍລິສັດ LVI ໃນໄລຍະດຳເນີນທຸລະກິດຢູ່ລາວ.

                           ທ່ານ ລັດຖະມົນຕີກະຊວງການເງິນໄດ້ມອບໃບຍ້ອງຍໍເປັນທີ່ລະນຶກ ປະເພດ I ໃຫ້ LVI.

ເງື່ອນໄຂໃນການປະເມີນ ແລະ ຍ້ອງຍໍຊົມເຊີຍ ແກ່ບັນດາຫົວໜ່ວຍທຸລະກິດປະກອບມີ: ການແຈ້ງມອບພັນທະອາກອນເປັນປົກກະຕິ; ສົ່ງບົດລາຍງານການເງິນຖືກຕ້ອງຕາມລະບຽບການ; ບໍ່ມີໜີ້ຄ້າງຈາກການມອບພັນທະອາກອນ; ບໍ່ຖືກປັບໃໝຊັກຊ້າ ແລະ ມອບອາກອນຫຼາຍກວ່າ 20 ຕື້ກີບຂື້ນໃປ.

LVI ແມ່ນບໍລິສັດປະກັນໄພທີ່ຖືກສ້າງຕັ້ງຂື້ນໂດຍທະນາຄານການຄ້າຕ່າງປະເທດລາວ BCEL ແລະ ກຸ່ມບໍລິສັດປະກັນໄພ BIDV (BIC) ຫວຽດນາມ. ພາຍຫຼັງດຳເນີນທຸລະກິດມາໄດ້ຫຼາຍກວ່າ 12 ປີ, ປະຈຸບັນ LVI ຢືນຢູ່ອັນດັບທີສອງຂອງຕະຫລາດປະກັນໄພລາວ ໂດຍມີເຄືອຂ່າຍທັງໝົດຢູ່ 03 ສາຂາ, 14 ໜ່ວຍບໍລິການ, ຕົວແທນ 400 ແຫ່ງໃນທົ່ວປະເທດ, ແລະ ມີຫຼາຍກວ່າ 200 ຈຸດຂາຍປະກັນໄພຜ່ານທະນາຄານໃຫຍ່ເຊັ່ນ: BCEL, APB, LaoVietBank, ACLEDA, IndoChina Bank ...