ເຊັນ​ສັນຍາ​ຮ່ວມ​ມື

  10-12-2018


ເຊັນ​ສັນຍາ​ຮ່ວມ​ມື

       ​ໃນ​ວັນ​ທີ 06/12/2018, ທີ່​ສຳນັກງານ ທະນະ​ຄານ ​ເອຊີ​ລີ​ດາ ລາວ ຈຳກັດ ​ໄດ້​ຈັດ​ພິທີລົງ​ນາມເຊັນ​ສັນຍາ​ຮ່ວມ​ມື​ ກັບ ​ບໍລິສັດຮ່ວມ​ທຸລະ​ກິດປະກັນ​​ໄພ ລາວ ຫວຽດ ຈຳກັດ. (LVI)ຈຸດປະສົງ​ແມ່ນ​​ເພື່ອ​​ເພີ້​ມທະວີ​ການ​ພົວພັນ​ຮ່ວມ​ມື, ສົ່ງ​ເສີມ​ໃຫ້​ເກີດຜົນປະ​​ໂຫຍ​ດສູງ​ສຸດ​​ໂດຍ​ການ​ນຳ​ສະ​​ເໜີບັນດາ​ຜະລິດ​ຕະພັນ, ການ​ບໍລິການ​ທາງ​ດ້ານ​ການ​ເງິນທີ່​ດີ​ທີ່​ສຸດ​ໃຫ້​ແກ່​ລູກ​ຄ້າ.

       ​ເປັນ​ກຽດ​ຮ່ວມ​ພິທີ​ເຊັນ​ສັນຍາ​ມີ ທ່ານ​ຜູ້ອຳນວຍການໃຫຍ່​ພ້ອມ​ດ້ວຍບັນດາ​ຄະນະ​ພະ​ແນ​ກສຳນັກງານ​ໃຫຍ່ ທະນະ​ຄານ​ ເອຊີ​ລີ​ດາ ລາວ ​ແລະ ບໍລິສັດ​ຮ່ວມ​ທຸລະ​ກິດ​ປະກັນ​ໄພລາວ ຫວຽດ.

       ACLEDA Bank Lao Ltd, ​ແລະ LVI ​ໄດ້​ໃຫ້​ຄຳ​ໝັ້ນ​, ​ບູລິ​ມະ​ສິດ​ໃນ​ການ​ນຳ​ໃຊ້​ຜະລິດ​ຕະພັນຕ່າງໆ​ຂອງ​​ແຕ່ລະ​​ຝ່າຍ , ​ເພີ້​ມທະວີ​ໃນ​ການ​ຂາຍ​​ໄຂ່ວຜະລິດ​ຕະພັນ, ການ​ບໍລິການ​ຂອງ​ຄູ່​ຮ່ວມ​ທຸລະ​ກິດ ​ແລະ ຮັບປະກັນ​ໃນ​ການ​ຮັກສາ​ຂໍ້​ມູນ, ​ເອກະສານ​ລູກ​ຄ້າ ​ໃນ​ການດຳ​ເນີນ​ທຸລະ​ກິດ​ຂອງທັງ​ສອງຝ່າຍ.

 

 

 

ທະນະ​ຄານ ເອຊີ​ລີ​ດາລາ​ວ​ ຈຳກັດ: ACLEDA Bank Lao Ltd,

      ທະນະ​ຄານ ເອຊີ​ລີ​ດາ ລາ​ວ​ ຈຳກັດ ​ໄດ້​ສ້າງ​ຕັ້ງ​ນັບ​ແຕ່​ວັນ​ທີ່ 08/07/2008 ພາຍຫຼັງ 10 ປີ ​ແຫ່ງ​ການ​ດຳ​ເນີນ​ທຸລະ​ກິດ ທະນະ​ຄານ ​ເອຊີ​ລີ​ດາ ລາ​ວ​ ຈຳກັດ ໄດ້​ກາຍ​ເປັນ​ທະນະ​ຄານ​ໜຶ່ງ​ທີ່​ດຳ​ເນີນ​ທຸລະ​ກິດ​ໄດ້​ຮັບ​ໝາກຜົນ​ດີ​ໃນ​ຕະຫຼາດ​ທະນະ​ຄານ. ປະຈຸ​ບັນ, ທະນະ​ຄານ​ ເອຊີ​ລີ​ດາ ລາ​ວ ຈຳກັດ ມີ​ພະນັກງານທັງ​ໝົດ​ຫຼາຍ​ກ່ວາ 1.000 ຄົນ​ທີ່​ບໍລິການ​ລູກ​ຄ້າ​ໃນ 14 ສາຂາ ​ແລະ 25 ໜ່ວຍ​ບໍລິການ​ ແລະ ຕູ້​ເອທີ​ເອັມທັງໝົດ 55 ຕູ້​ໃນ​ທົ່ວ​ປະ​ເທດ​ໄວ້​ຄອຍ​ບໍລິການ 24 ຊົ່ວ​ໂມງ. ​ແລະ  ຍັງ​ມີ​ຜະລິດ​ຕະພັນ​ໃໝ່ “​ເອຊີ​ລີ​ດາ ທັນ​ໃຈ” ​ເຊິ່ງ​ເປັນ​ Application  ທີ່​ອຳ​ນວຍ​ຄວາມ​ສະດວກໃຫ້​ແກ່​ລູກ​ຄ້າ​ສາມາດ​ເຮັດ​ທຸລະ​ກຳ​ໄດ້​ທຸກ​ທີ່​ທຸກ​ເວລາ

 

ບໍລິສັດ​ຮ່ວມ​ທຸລະ​ກິດ​ປະກັນ​ໄພ ລາວ ຫວຽດ (LVI):

          ບໍລິສັດ​ຮ່ວມ​ທຸລະ​ກິດ​ປະກັນ​ໄພ​ລາວ ຫວຽດ ຈຳ​ກັດ​ແມ່ນ​ບໍລິສັດ​ຂອງ​ທະນະ​ຄານ ການ​ຄ້າ​ຕ່າງປະ​ເທດ​ລາວ ມະຫາຊົນ ​ໄດ້​ສ້າງ​ຕັ້ງ​ຂື້ນ​ໃນ​ວັນ​ທີ 21/06/2008.

          ພາຍຫຼັງ​ແຫ່ງ​ການ​ດຳ​ເນີນ​ທຸລະ​ກິດ, LVI ​ໄດ້​ກາຍ​ເປັນ​ບໍລິສັດ​ປະກັນ​ໄພ​ຢື່ນຢູ່​ອັນ​ດັບ​ສອງ​ຂອງ​ຕະຫຼາດ​ປະ ກັນ​ໄພ​ລາວ ​ໂດຍ​ມີ 03 ສາຂາ, 13 ໜ່ວຍ​ບໍລິການ, ມີ​ພະນັກງານ​ຫຼາຍ​ກ່ວາ 100 ຄົນ ​ແລະ ມີ​ຕົວ​ແທນ 300 ຕົວ​ແທນ​ໃນ​ທົ່ວ​ປະ​ເທດ. ພິ​ເສດ, LVI ​ແມ່ນ​ບໍລິສັດ​ທຳ​ອິດ​ໃນ​ຕະຫຼາດ​ປະກັນ​ໄພ​ ທີ່​ໄດ້​ຂະຫຍາ​ຍຊ່ອງ​ທາງ​ການ​ຂາຍ​ປະກັນ​ໄພ​ຜ່ານລະບົບ Bancassurance​ໃຫ້​ກັບ​ບັນດາ​ທະນະ​ຄານ, ບໍລິສັດ​ເຊົ່າ​ສິນ​ເຊື່ອ​ຢູ່​ໃນ​ລາວ.