ໃນວັນທີ 21.02.2017 ຢູ່ທີ່ບໍລິສັດ ຮ່ວມທຸລະກິດປະກັນໄພ ລາວ-ຫວຽດ ຈໍາກັດ(LVI), ນະຄອນຫຼວງວຽງຈັນ, ໄດ້ມີພິທີມອບທົດແທນລົດ Fortuner ຄືນໃຫ້ແກ່ລູກຄ້າ, ຕາງໜ້າ LVI ທ່ານ ສົມຊາຍ ຍົດສະຫວັນ – ຮອງຜູ້ອໍານວຍການໃຫຍ່ LVI ເປັນຜູ້ມອບ, ຜູ້ຮັບແມ່ນທ່ານ ຄໍາສິງ ສາຍພູວົງ ຕາງໜ້າບໍລິສັດ​ໄຟ​ຟ້ານໍ້າງຽບ 1 ຈໍາກັດ ເຊິ່ງເປັນລູກຄ້າ LVI. ລົດລູກຄ້າໄດ້ເຮັດ ປະກັນໄພຮອບດ້ານກັບ LVI, ໃນວັນທີ 23.10.2016 ລົດລູກຄ້າໄດ້ເກີດອຸປະຕິເຫດລົດເສຍຫຼັກຕໍາກັບ ເສົາໄຟຟ້າເຮັດໃຫ້ລົດ Fortuner ຂອງລູກຄ້າເສຍຫາຍທັງໝົດ, LVI ຊື້ລົດ Fortuner ທົດ​ແທນຄືນ ໃຫ້ແກ່ລູກຄ້າ ບໍລິສັດ ​ໄຟ​ຟ້ານໍ້າງຽບ 1 ຈໍາກັດ ຕາງ​ໜ້າ​ບໍ​ລິ​ສັດ​ລູກ​ຄ້າ ກໍ່ຄື ທ່ານ ຄໍາສິງ ສາຍພູູວົງ. ໃນພິທີການມອບທົດແທນລົດຄັ້ງ​ນີ້, ທ່ານ ຄໍາສິງ ສາຍພູວົງ ກໍ່ໄດ້ກ່າວຄໍາຂອບໃຈ ແລະ ພາກພູມໃຈທີ່ LVI ທົດແທນຄວາມເສຍຫາຍໃຫ້ກັບ​ບໍ​ລິ​ສັດໄຟ​ຟ້ານໍ້າງຽບ 1 ຈໍາກັດໃນຄັ້ງນີ້, ນອກຈາກນີ້ ທ່ານຍັງ ກ່າວຕື່ມອີກວ່າ: ທ່ານມີຄວາມເຊື້ອໝັ້ນທີ່ເຮັດປະກັນໄພກັບ LVI ໃນເວລາເກີດມີຄວາມເສຍຫາຍ ກໍ່ໄດ້ທົດແທນຢ່າງແທ້ຈິງ.

ໃນວັນທີ 23.10.2016 ລົດລູກຄ້າບໍ​ລິ​ສັດໄຟ​ຟ້ານໍ້າງຽບ 1 ຈໍາກັດໄດ້ເກີດອຸປະຕິເຫດລົດເສຍຫຼັກຕໍາກັບ ເສົາໄຟຟ້າເຮັດໃຫ້ລົດ Fortuner ຂອງລູກຄ້າເສຍຫາຍທັງໝົດ