ເກີດເຫດດີນເຈື່ອນສ້າງຄວາມເສຍຫາຍ ຢູ່ບໍລິເວນແຄມນ້ຳຄານ
                                           ------------------------

ຂປລ. ໃນວັນທີ1ຕຸລາຜ່ານມານີ້ໄດ້ເກີດດີນເຈື່ອນຢູ່ເຂດນໍ້າຄານ ເມືອງຫລວງພະບາງ ແຂວງຫລວງພະບາງ ສົ່ງຜົນເຮັດໃຫ້ກໍາແພງກັນເຈື່ອນເສຍຫາຍຍາວ 20 ແມັດ, ທາງຍ່າງເສຍຫາຍປະມານ 20 ແມັດ, ເສັ້ນທາງສັນຈອນຍຸບລົງກວ້າງປະມານ 2 ແມັດ.

ທ່ານ ບຸນເພັງ ຈິດຕະພອນ ຫົວໜ້າ ຫ້ອງການໂຍທາທິການ ແລະ ຂົນສົ່ງເມືອງຫຼວງພະບາງ ໄດ້ໃຫ້ສຳພາດວ່າ: ປັດຈຸບັນນີ້ ພະແນກໂຍທາທິການ ແລະ ຂົນສົ່ງແຂວງໄດ້ສົມທົບກັບທຸກພາກສ່ວນເພື່ອລົງກວດກາຕົວຈີງຜ່ານການກວດກາເຫັນວ່າຈຸດດັ່ງກ່າວແມ່ນສ້າງຄວາມເສຍຫາຍຫລາຍສົມຄວນ,ຄາດວ່າສະພາບ

ດີນເຈື່ອນຍັງຈະສືບຕໍ່ເກີດຂຶ້ນຖ້າຝົນຍັງສືບຕໍ່ຕົກແລະລະດັບນ້ຳຂອງແມ່ນນ້ຳຄານມີການຂຶ້ນລົງຜິດປົກກະຕິ.ແນວໃດກໍດີພວກເຮົາຈະໄດ້ດໍາເນີນການປຶກສາຫາລື ແລະ ສ້ອມແປງໃຫ້ກັບເຂົ້າສູ່ສະພາບເດີມ.

ຕົ້ນເຫດເຮັດໃຫ້ທາງຍຸບຍ້ອນຝົນຕົກໜັກແກ່ຍາວຫລາຍວັນນັບແຕ່ວັນທີ30ກັຍຍາຫາວັນທີ່1ຕຸລາຜ່ານມາເຮັດໃຫ້ເສັ້ນທາງບາງຈຸດຕ້ອງໄດ້ມີການຢຸດການສັນຈອນຊົ່ວຄາວ ແລະມີຫລາຍຈຸດມີຄວາມສ່ຽງຕໍ່ການເກີດດີນເຈື່ອນໂດຍສະເພາະແມ່ນແຂດແຄມຫ້ວຍແລະຮ່ອງນ້ຳຈຳນວນໜຶ່ງເຊີ່ງປະຈຸບັນວິຊາການຂອງເມືອງພວມລົງສຳຫຼວດເກັບກຳ

ຂໍ້ມູນລາຍລະອຽດ.

ສິ່ງທີ່ໜ້າເປັນຫ່ວງຄືບັນຫານ້ຳຖ້ວມທີ່ມີກະແສນຳໄຫຼຮຸນແຮງໃນໄລຍະກາງເດືອນກັນຍາທີ່ຜ່ານມາເຮັດໃຫ້ຕາຝັງນຳຄານເຈື່ອນຫຼາຍເຊິ່ງເປັນສິ່ງທີ່ຕ້ອງໄດ້ເລັ່ງສຶກສາ. ຈາກຫາງສຽງສ່ວນໜື່ງຄືການສ້າງເຂື່ອນນ້ຳຄານທີ່ໄດ້ປ່ອຍນ້ຳອອກມາຢ່າງກະທັນຫັນຈຳນວນຫຼາຍໄດ້ສົ່ງຜົນໃຫ້ເກືດນ້ຳນອງກະທັນຫັນ.ດັ່ງນັ້ນ,ຕ້ອງໄດ້ມີການສຶກ

ສາຜົນກະທົບ ຂອງເຂື່ອນເຫຼົ່ານັ້ນຢ່າງຖີ່ຖ້ວນ ກ່ອນທີ່ບັນຫາ ຈະແກ້ບໍ່ໄດ້.

source: http://www.tholakhong.com/2016/10/blog-post_69.html