Lao-Viet Insurance Company (LVI)

ບິກໄບ້ເສຍຫຼັກລົ້ມເອງເຈັບສອງຄົນ ໜ້າຮ້ານຊີ້ນດາດໂປ້ຍຊຽນ

ເບິ່ງແລ້ວ : 3247

ນະຄອນຫຼວງວຽງຈັນ: ລາຍງານຈາກໜ່ວຍກູ້ໄພມູນນິທິຈີນ 1628 ໃຫ້ຮູ້ວ່າ ເວລາປະມານ 03:20 ວັນທີ 3 ຕຸລາ 2016 ເກີດອຸບັດຕິເຫດ ລົດຈັກບິກໄບ້ ເສຍຫຼັກລົ້ມ ທີ່ເຂດບ້ານໜອງສະໂນຄຳ, ເມືອງສີໂຄດຕະບອງ, ນະຄອນຫຼວງວຽງຈັນ (ຕໍ່ໜ້າຮ້ານຊີ້ນດາດໂປ້ຍຊຽນ)ທີ່ເກີດເຫດພົບເຫັນຜູ້ບາດເຈັບເປັນຊາຍ ທັງສອງຄົນ. ອາການໜັກສົມຄວນ, ຜູ້ທີ 1 ມີບາດແຜຢູ່ໜ້າ ແລະ ຂາຫັກເບື້ອງຂວາ 1 ຄົນ ແລະ ອີກຄົນກໍ່ຂາຫັກເບື້ອງຂວາ ແລະ ບາດແຜຕາມຕົນຕົວ.
ລົດທທີເກີດເຫດ ເປັນລົດບິກໄບ້ ທີ່ມີຄວາມແຮງ, ຄາດວ່າອຸບັດຕິເຫດ ເກີດຈາກການໃຊ້ຄວາມໄວເກີນກຳນົດ.
ທາງໜ່ວຍກູ້ໄພ ໄດ້ປະຖົມພະຍາບານ ແລະ ນຳສົ່ງໂຮງໝໍ 150 ຕຽງ.

ເກງຕຳກັບລົດຈັກເຈັບສອງ ທີ່ ນາເລົາ

ໃນຄຳຄືນດຽວກັນ ເວລາປະມານ 23:50 ວັນທີ 2 ຕຸລາ 2016 ກໍເກີດເຫດ ລົດເກັງ ຕຳລົດຈັກ ເຂດບ້ານນາເລົາ, ເມືອງສີໂຄດຕະບອງ ນະຄອນຫຼວງວຽງຈັນ. ມີຄົນເຈັບ ສອງຄົນ.

ຂີ່ລົດຈັກລົ້ມເອງ ເຈັບ 1 ຄົນ ຢູ່ ໜອງດ້ວງ

ນອກນີ້, ຕອນເວລາ 22:20 ວັນທີ 2 ຕຸລາ 2016 ກໍ່ເກີດອຸບັດຕິເຫດ ລົດຈັກຂີ່ລົ້ມເອງ ເຂດບ້ານໜອງດ້ວງ, ເມືອງສີໂຄດຕະບອງ, ນະຄອນຫຼວງວຽງຈັນ. ມີຄົນເຈັບ ເພດຊາຍ 1 ຄົນ. ອາການບໍສາຫັດປານໃດ. ອຸບັດຕິເຫດເກີດຂຶ້ນໄດ້ທຸກເວລາ ທຸກຄົນຕ້ອງລະມັດລະວັງ.

source: http://www.tholakhong.com/2016/10/blog-post_89.html#more

ຂ່າວການຈະລາຈອນ